हालसम्म सार्वजनिक तथ्याङक अनुसार अमेरिकाले १४ लाख ४५ हजार ५४९ आप्रवासी निष्काशन गर्दैछ । त्यसको लागि प्रतिव्यक्ति ४ हजार ६७५ डलर खर्च गरिदैंछ । त्यो आधारमा अमेरिकाले आप्रवासी निस्कासनको लागि ६ अर्व ४५ करोड ४३ लाख ७६,२४५ अमेरिकी डलर खर्च गर्ने भएको छ ।
अमेरिकाले निस्कासनमा पर्नेहरुलाई आफ्नो विशेष सैन्य जहाजबाट सम्वन्धित देशमा पुर्याउंदैछ । विशेष सैन्य जहाज प्रयोग गरिने भएकोले त्यसको लागत उच्च भएको बताइएको छ, जबकी अन्य सिभिल जहाजहरुबाट पठाउने हो भने औसतमा प्रतिव्यक्ति १ हजार डलर भन्दा धेरै नपर्ने समाचार एजेन्सी रोयटर्सले दिएको समाचारमा उल्लेख छ ।
तर राष्ट्रपति ट्रम्पले किन महंगो खर्च गरेर विशेष सैन्य विमानबाट आप्रवासीहरुलाई फिर्ता गर्दैछन् भन्ने रहस्य भने खुल्न सकेको छैन ।
विभिन्न देशका १४ लाख ४५ हजार ५४९ जना नागरिक परेका थिए । अमेरिकाबाट निष्कासन पर्न लागेको विदेशी नागरिकको सूचीमा १ हजार ३६५ जना नेपाली पनि छन् ।
अमेरिकाबाट फर्काइन लागेकाहरुमध्ये सबैभन्दा धेरै होन्डुरसका २ लाख ६१ हजार ६५१, ग्वाटेमालाका २ लाख ५३ हजार ४१३, मेक्सिकोका २ लाख ५२ हजार ४४ र एल साल्भाडोरका २ लाख ३ हजार ८२२ जना छन् । त्यस्तै चीनका ३७ हजार ९०८ र भारतका १७ हजार ९४० जना पनि अमेरिकाबाट निष्कासनमा पर्ने छन् ।
निस्कासनको सूचीमा रहेकामध्ये १०४ जनाको पहिलो टोलीलाई अमेरिकी सैन्य जहाजले बुधवार अमृतसर विमानस्थलमा ल्याएर छोडेको छ । निष्कासनको सूचीमा रहेका अन्य आप्रवासीहरुलाई पनि क्रमिकरुपमा ल्याउन लागिएको भारतीय संचारमाध्यमहरुले उल्लेख गरेका छन् । त्यही अनुसार १ हजार ३६५ नेपालीलाई पनि कुनै पनि बेला फिर्ता ल्याइदिने अनुमान गरिएको छ ।
