सरकारले भदौ मसान्तसम्म कर राजस्वबाट १ खर्ब ४५ अर्ब १९ करोड ३३ लाख रुपैयाँ संकलन गरेको छ । गैर कर राजस्व अन्तर्गत २१ अर्ब १९ करोड ४३ लाख रुपैयाँ संकलन गरेको छ भने अन्य आम्दानी अन्तर्गत ३ अर्ब १३ करोड ३ लाख रुपैयाँ गरी कुल १ खर्ब ६९ अर्ब ५१ करोड ७९ लाख रुपैयाँ राजस्व संकलन गरेको हो ।
चालू आर्थिक वर्षमा भदौ मसान्तसम्म सरकारले १ खर्ब ३७ अर्ब रुपैयाँ खर्च गरेको छ । जुन कुल लक्ष्यको ७.३९ प्रतिशत हो । चालु आवको पहिलो दुई महिनामा पुँजीगत तर्फ वर्ष २ महिनामा १४ अर्ब ८९ करोड रुपैयाँ खर्च भएको छ । चालू तर्फ ८२ अर्ब ९८ करोड रुपैयाँ तथा वित्तीय व्यवस्थापन तर्फ ३९ अर्ब ६७ करोड रुपैयाँ खर्च भएको महालेखा नियन्त्रक कार्यालयले जनाएको छ । गत वर्ष २ महिनामा चालू तर्फ ८७ अर्ब ६६ करोड रुपैयाँ, तथा वित्तीय व्यवस्थापन तर्फ ३५ अर्ब ३१ करोड रुपैयाँ खर्च भएको थियो ।
