सन् १८६१ मा स्थापना भएको बेलायतको उक्त कम्पनी टाइटानिक जहाज बनाएपछि विश्व विख्यात भएको थियो । सन् १९१२ मा समुद्रको यात्राको क्रममा हिउँसँग ठोक्किएर डुबेको टाइटानिकको बारेमा बनेको चलचित्र विश्व चलचित्र उद्योगको लागि लागि एउटा ‘माइलस्टोन’ मानिन्छ ।
विगत केही वर्षहरुदेखि निरन्तर घाटामा रहेको उक्त कम्पनीले बेलायत सरकारसँग सहुलियत दरमा भुक्तानी गर्ने गरि २६.४ करोड डलर ऋण उपलब्ध गराइदिन अनुरोध गरेको थियो । तर, सरकारले उस्को अनुरोधलाई अस्विकार गरेपछि कम्पनीले सोमबार आफूलाई टाट पल्टिएको घोषणा गरेको हो ।
कम्पनीका कार्यकारी निर्देशक रसेल डाउन्सले १६३ वर्ष पुरानो कम्पनी टाट पल्टिनु केवल बेलायतको लागि मात्र नभएर विश्वकै लागि दुखद घटना भएको दावी गरे । कम्पनी टाट पल्टिएकोले अब उस्ले जहाज निर्माणको काम नगर्ने जानकारी दिंदै डाउन्सले मर्मत सम्भारको काम भने जारी राख्ने बताए ।