बजारले निरन्तर रुपमा बढ्दो क्रमलाई निरन्तरता दिँदा आम लगानीकर्ताको मनोभावना सकारात्मक बनेको छ । सोही अनुसार लगानीकर्ताहरु बढ्न बाँकी रहेका राम्रा कम्पनीको छनोट गरी लगानी गर्ने रणनीतिमा देखिन्छन् । नेपाल राष्ट्र बैंकको मौद्रिक नीतिको अर्धवार्षिक समीक्षा आउँदैछ । समीक्षामा सकारात्मक आउने विश्वास लगानीकर्ता गरेको पाइन्छ ।
बजारमा टिएमएसमा भएको एमकेटी फिचर प्रयोग गर्दै चलखेल हुने गरेको आरोप लाग्दै आएकाे छ। नेप्सेले विनियमावलीमा भएको व्यवस्थालाई परिमाजर्न गर्दै उक्त फिचर मार्फत हुने कारोबारलाई व्यवस्थित गर्न खोजेको नेपाल स्टक एक्सचेञ्जका प्रमुख कार्यकारी अधिकृत निरञ्जन फुयाँलले बताए । उनका अनुसार अब नेप्सेले अन्तिम १५ मिनेटको कारोबारको भारित औसत मूल्यको आधारमा अन्तिम मूल्य तय गर्ने छ । याे लगानीकर्ताले धेरै अगाडिदेखि उठाउँदै माग हाे ।
