विश्व मौसम सङ्गठनको ‘फ्ल्याश फ्लड गाइडन्स सिस्टम’ का अनुसार भोटेकोशी जलाधार क्षेत्रमा सोमबार विहानदेखि सामान्य वर्षा भएको छैन । बाढी आइसकेपछि पनि रसुवा र रसुवासंग जोडिएको तिब्बती क्षेत्रमा वर्षा भएको छैन । वर्षा नभइकन बाढी आउनुको अर्थ तिब्बतमा रहेका हिमतालहरु फुटेको स्पष्ट हुन्छ ।
तिब्बतका कुन हिमताल फुट्यो र त्यसबाट त्यहाँ कति धनजनको यकिन हुन सकेको छैन । चिनिया समाचार संस्थाहरुले दक्षिणपश्चिम चीनको सिजाङ स्वायत्त क्षेत्र, चीन र नेपाल बीचको सीमा नाका, ग्यारोङ बन्दरगाह नजिकै ठूलो पहिरो गएको र त्यसमामा परी चिनियाँ एघार जना र नेपाली छ जना चिनियाँ बेपत्ता भएको उल्लेख गरेका छन् ।
नेपालसंग जोडिएका तिब्बती क्षेत्रमा याला हिमनदी,लाङटाङ हिमनदी, खुम्बु हिमनदी, रोङबुक हिमनदी, लाइगु हिमनदीको साथै अनेकौं हिमतालहरु रहेका छन् । यी मध्ये कुन हिमतालमा विस्फोट भयो वा अचानक हिउं पग्लेर कुन हिमनदीको सतह एक्कासी बढ्दा मंगलबारको बाढी पहिरो आयो अझै यकिन हुन सकेको छैन ।
जल तथा मौसम विज्ञान विभागले भोटेकोशी नदी जलाधारको तिब्बतको क्षेत्रमा थुप्रै हिमतालहरू अवस्थित रहेकोले बाढीको सम्भावित कारण पत्ता लगाउन तता नदी तटीय क्षेत्रमा बाढीको असर आकलनको लागि भूउपग्रहबाट तस्बिरहरु खिच्ने काम भैरहेको जानकारी दिएको छ ।
