२२ वर्षे युवाद्धारा २२ अर्ब घोटाला, भारतीय पूँजी बजारमा बिशाल फुकनले मच्चाएको सनसनी

Sep 05, 2024 06:28 PM mero lagani



शेयर बजारमा ‘स्क्याण्डल’ मच्चिनु ठूलो कुरा मानिदैन । तर भारतीय शेयर बजारमा अहिले एक जोडी युवाले जसरी ठगी गरेको घटना सार्वजनिक भएको छ, त्यसले भने भारतका लगानीकर्ता र पूँजीबजारका नियामक निकायहरुको होस उडाइदिएको छ । 

एउटा २२ वर्षको युवाले अर्की एकजना महिलासँग मिलेर पूँजी बजारमा यति ठूलो घोटाला कसरी गर्न सके ? यो प्रश्नले धेरैको दिमाग तताएको छ ।

भारतको असामका २२ वर्षीय विशाल फुकनले २२ अर्व भारतीय रुपैंया बराबरको घोटाला गरेका छन् । फुकनले सुमीसँग मिलेर फर्मास्युटिकल्स, फिल्म निर्माण, निर्माण र शेयर बजारसँग सम्वन्धित कम्पनी संचालन गरिरहेका थिए । त्यसक्रममा केही समय अगाडि असाममा रहेको डिवी स्टक ब्रोकिङ्ग कम्पनीका मालिक दिपकंर वर्मनमाथि शेयर बजारमा ‘मेनुप्लेट’ गरेको आरोप लाग्यो र उनी फरार भए । उनलाई खोज्ने क्रममा प्रहरीले बिशाल र सुमीले गरेको ठगी फेला पार्यो ।
बिशालका करतुतहरु खुलेपछि प्रहरी चकित पर्यो । किनकी प्रहरीले एउटा २२ वर्षिय ठिटोले त्यो तहको वित्तीय अपराध गर्छ भनेर कल्पना नै गरेको थिएन । विशाल र आफ्नी एक जना दिदी नाता पर्ने सुमी बोरासँग मिलेर करिब सुमी मिलेर शेयर बजारका बारेमा नियोजितरुपमा अनेक हल्ला फैलाउँथे ।

कहिले कुनै कम्पनीको शेयर २ महिना भित्रै ३० प्रतिशतसम्म बढ्दैछ भन्ने हल्ला फैलाउँथे भने कहिले घट्दैछ भनेर हल्ला फैलाउँथे । अनि मानिसहरु हल्लाको पछाडि दौडिएको मौका पारेर आफूहरुले त्यसमा ‘खेल्थे’ । त्यसबाट बिशालले केही समयको अवधिमा भारु २२ अर्ब रुपैँया घोटाला गरेको आसाम प्रहरीको दावी छ । प्रहरीले बिशाल कालो धनलाई सुद्धिकरण गर्ने (मनी लण्डरिङ्ग) को काम समेत गर्ने गरेको आशंका गरेको छ ।

बिशाल गत साता पक्राउ परेका छन् तर सुमी भने फरार छन् । असाम प्रहरीले विभिन्न प्रान्तका प्रहरीको सहयोगमा सुमीलाई खोजिरहेको छ तर अहिलेसम्म उनी फरार छन् । असामका मुख्यमन्त्री हेमन्त विश्वा शर्माले विशाल र सुमीले गरेको घोटालाले भारतीय पूँजी बजारको आँखा खोलिदिएको बताउँदै यो घटनाको वास्तविकता सार्वजनिक गरेरै छोड्ने अठोट व्यक्त गरेका छन् ।




comments powered by Disqus

बजार घटेपछि सांसद देखि लगानीकर्ताले भेटे अर्थमन्त्री, ७ सुझाव दिँदै भने-अवैज्ञानिक पूँजीकरण गणनाले बजार घटायाे

Sep 01, 2024 05:14 PM

अवैज्ञानिक पूँजीकरण गणनाले बजारमा गलत सन्देश प्रवाह गरेको भन्दै अर्थमन्त्रीको ध्यानकषर्ण गराइएको छ । आईतबार प्रतिनिधि सभाका सांसद हरि ढकाललगायत ब्रोकर, मर्चेन्ट क्यापिटल र लगानीकर्ताको प्रतिनिधिले अर्थमन्त्रीलाई ७ बुँदे सुझाव बुझाउँदै ध्यान आकर्षण गराएका हुन ।