यो खुलासासंगै हाल हिरासतमा रहेका प्रसाई थप समस्यामा पर्ने देखिएको छ । राजसंस्था पुनर्स्थापनाका लागि भन्दै गठित ‘संयुक्त जनआन्दोलन समिति’ का ‘कमान्डर’ प्रसाईंको आह्वानमा चैत १५ गते तीनकुने क्षेत्रमा प्रदर्शन भएको थियो । त्यसक्रममा करोडौंको धनमाल नोक्सान भएको थियो भने रजक सहित २ जनाको मृत्यु भएको थियो ।
प्रहरीले फेला पारेको आगजनीको भिडिओमा रामेछाप सुनापति गाउँपालिका १ का २२ वर्षीय सरोज गौतम र अछाम पंचदेवल नगरपालिकाका २० वर्षीय गोकर्ण शाहीले आगजनी गरेको देखिएको छ ।
उनीहरु दुवै जना प्रसाईले स्थापना गरेको अनवरत तत्पर फौज (एटिएफ) का सदस्यहरू रहेको सुरक्षा निकाय स्रोतले जानकारी दिएको छ । यद्धपी रजकको हत्यामा प्रत्यक्षरुपमा उनीहरुको संलग्नता छ वा छैन भन्ने बारेमा भने प्रहरीले केही बताएको छैन ।
गौतम एटिएफको प्रवक्ता र शाही एटिएफमा सदस्य हुन् ।
दुर्गा प्रसाईंले प्रहरीलाई पेलेर गाडी कुदाउँदा गौतम त्यही गाडीमा झुण्डिएर बसेका थिए । यता शाहीले भने आगजनी सँगै नेकपा (माओवादी केन्द्र) को पार्टी कार्यालयमा समेत ढुंगामुढा गरेका थिए ।
