गत आर्थिक वर्षको अन्त्यसम्ममा २ करोड ९९ लाख रुपैयाँ नोक्सानीमा रहेको यस कम्पनी, चालु आर्थिक वर्षको ९ महिनासम्म आईपुग्दा १४ करोड २ लाख नोक्सानीमा पुगेको छ।
आम्दानी खासै नबढेको तर खर्च भने बढेका कारण नोक्सानी बढ्न पुगेको हो।
चैत मसान्तसम्ममा कम्पनीको कुल आम्दानी ६६ लाख ३६ हजार रुपैयाँ रहेको छ भने कुल खर्च १४ करोड ६९ लाख रुपैयाँ रहेको छ। गहुँ र मकैको सिजन आगामी जेठ र असार महिनाबाट शुरु हुने भएकोले सो सिजनबाट कारोबारमा वृद्धि हुने कम्पनीले बताएको छ।
सो अवधिसम्ममा कम्पनीको प्रतिशेयर आम्दानी २२ रुपैयाँ १७ पैसा ऋणात्मक रहेको छ भने प्रतिशेयर नेटवर्थ ७५ रुपैयाँ १० पैसा रहेको छ।
६८ करोड ७५ लाख रुपैयाँ चुक्ता पूँजी रहेको यस कम्पनीको अन्य इक्विटी २० करोड ९ लाख रुपैयाँ ऋणात्मक रहेको छ।
