चालु आर्थिक वर्षको चैत मसान्तसम्ममा कम्पनीले ७७ करोड ७९ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा २६.१५ प्रतिशत बढी हो। गत आर्थिक वर्षको सोही अवधिसम्ममा कम्पनीले ६१ करोड ६६ लाख रुपैयाँ खुद नाफा कमाएको थियो।
ब्याज आम्दानी बढेसँगै कम्पनीको खुद नाफा बढ्न पुगेको हो।
समीक्षा अवधिमा कम्पनीको ब्याज आम्दानी १९६.७७ प्रतिशत बढेर ३० करोड ५० लाख रुपैयाँ पुगेको छ। त्यसैगरी, कम्पनीको कुल आम्दानी १ अर्ब ३ करोड ७ लाख रुपैयाँबाट बढेर १ अर्ब २५ कराेड ६९ लाख रुपैयाँ पुगेको छ। समीक्षा अवधिमा कम्पनीको कुल खर्च भने ५.३६ प्रतिशत मात्र बढेको छ।
नाफा बढेपनि कम्पनीको प्रतिशेयर आम्दानी भने सामान्य घटेको छ। समीक्षा अवधिमा कम्पनीको यस्तो आम्दानी ७४ पैसा घटेर २४ रुपैयाँ ४० पैसामा सीमित भएको छ। चैत मसान्तसम्ममा कम्पनीको प्रतिशेयर नेटवर्थ २०१ रुपैयाँ ८७ पैसा रहेको छ।
४ अर्ब २५ करोड १० लाख रुपैयाँ चुक्ता पूँजी रहेको यस कम्पनीको जगेडा कोषमा १६ अर्ब ८२ करोड रुपैयाँ सञ्चित छ।
