हालसालै, सबैभन्दा राम्रो शिक्षा गुणस्तर भएका एसियाका राष्ट्रहरुको सूची सार्वजनिक गरिएको थियो । यो सूचीमा कुन कुन राष्ट्र कतिऔं स्थानमा परेका छन् त ?
१. जापान
वल्र्ड एजुकेशन रेटिङमा एसियाली राष्ट्रहरुमा जापान पहिलो स्थानमा परेको छ । यद्यपी विश्वभरमा भने जापान १३औं स्थानमा परेको छ ।
२.संयुक्त अरब इमिरेट्स (यूएई)
उच्च शिक्षा हासिल गर्नका लागि संयुक्त अरब इमिरेट्स विश्वभरमा १७औं स्थानमा परेको छ । एसियाको सूचीमा भने यो देश दोस्रो स्थानमा रहेको छ ।
३.चीन
शिक्षाको राम्रो गुणस्तर भएका एसियाली राष्ट्रको सूचीमा तेस्रो स्थानमा चीन छ । विश्वमा भने यो देश २० औं स्थानमा रहेको छ । चीनमा सिंघु, पेकिङ, शांघाई जिओ टोंग र फुडन विश्व विद्यालय रहेका छन् ।
४. थाइल्याण्ड
विश्व शिक्षा रेटिङमा थाइल्याण्ड एसियाकै चौथो राम्रो देश मानिन्छ । आफ्नो राम्रो शिक्षा प्रणालीका कारण विश्वमा थाइल्याण्ड २२ औं स्थानमा परेको छ ।
५. इंडोनेशिया
इंडोनेशिया दक्षिण पूर्व एसियामा जनसंख्या र आकार दुबैमा सबैभन्दा ठुलो राष्ट्रमध्येको एक हो । यसैको बराबरीमा इंडोनेशियामा उच्च शिक्षा प्रणाली पनि रहेको छ ।
६. दक्षिण कोरिया
पूर्वी एसियाली राष्ट्र दक्षिण कोरिया यस सूचीको छैठौं स्थानमा रहेको छ । यहाँ सियोल नेशनल यूनिभर्सिटी, कोरिया एडभान्स इंस्टिच्युट अफ साइन्स एण्ड टेक्नोलोजी लगायतका चर्चित शैक्षिक संस्था रहेका छन् ।
७. भारत
विश्वको दोस्रो सबैभन्दा ठुलो उच्च शिक्षा प्रणालीका साथ भारत पनि यो सूचीको सातौं स्थानमा परेको छ । भारत विश्व सूचीमा भने ३०औं स्थानमा रहेको छ ।
एजेन्सीकाे सहयाेगमा ।
