साताको पहिलो कारोबार दिन अर्थात आतईबारको बजार फराकिलो अंकले घटेको छ । आजको बजार खुलेदेखि नै निरन्तर रुपमा घट्न सुरु गरेको हो । यसदिन नेप्से परिसूचक ६३.७३ अंकले घटेर २८५८ विन्दुमा झरेको छ भने १३ अर्ब ७ करोड रुपैयाँ बराबरको शेयर खरिदबिक्री भएको छ । हाईक्याप कम्पनीमा दबाब पर्दा ठूलो अंकको गिरावट भयो । धेरै लगानीकर्ताको स्टपलस हिट भएकोलगायतका कुराले बजारलाई धेरै असर गरेको छ ।
बजार निरन्तर बढ्दैन र घट्दैन । सूचकमा हुने घट्बढ् बजारको स्वभाविक प्रकृया हो । तर निरन्तर ठूलो अंकको गिरावटले लगानीकर्तालाई त्रसाउने गरेको छ । ठूलो पूँजी भएका कम्पनीमा धेरै मर्का पर्दा बजारमा दबाब परेको हो । आज कारोबारमा आएका अधिकांश कम्पनी र उप समूहको परिसूचक घटेको छ । गत वर्षको यसै अवधिमा बजार ३ हजार बरपरको विन्दुबाट नै घट्न सुरु भएको थियो ।
यस पटक पनि बजार सोही विन्दुमा पुगेर घट्न थाल्दा लगानीकर्ताहरु डराएका हुन । पुनः बजारले उक्त उचाइमा पुग्नको लागि झण्डै एक वर्ष खर्चेको थियो । २५९० को आसपासको विन्दुबाट बढ्न सुरु गरेको बजार निरन्तर १७ प्रतिशतसम्म बढेपछि मात्रै बजारमा निरन्तरको करेक्सन भएको हो । पछिल्ला कारोबार दिनको घटाई सामान्य करेक्सन मात्रै भएको लगानीकर्ताहरुको बुझाई छ ।
