गत साता ४ कारोबार दिनका लागि बजार खुलेको थियो। जसमध्ये ३ कारोबार दिन नेप्से बढेको थियो भने १ कारोबार दिन घटेर बन्द भएको थियो।
प्रतिरोध क्षेत्रभन्दा माथि
अघिल्लो सातासम्म २६५० देखि २७०० को प्रतिरोध क्षेत्र परीक्षणमा रहेको नेप्से, गत साता सो क्षेत्र तोडेर उक्लिएको छ। आगामी दिनका लागि नेप्सेको प्रतिरोध क्षेत्र २७५० देखि २८०० सम्म रहेको छ।
खरिदकर्ता बलियो
साप्ताहिक रुपमा गत साता नेप्सेले बुलिश मैनबत्ती बनाएको छ। यसले सो साता बजारमा खरिदकर्ता बलियो रहेको संकेत गर्दछ। त्यस्तै, गत साताको अन्तिम कारोबार दिन पनि नेप्सेले हरियो मैनबत्ती बनाएको थियो। जसले पनि सो दिनमा खरिदकर्ता बलियो रहेको संकेत गर्दछ।
बलियो भोल्यूम
गत साता नेप्सेसँगै भोल्यूम पनि बलियो रहेको छ। गत साता नेप्सेमा दैनिक औषतमा ८ अर्ब २२ करोडको शेयर कारोबार भएको थियो। साताको अन्तिम कारोबार दिन नेप्सेको २० दिने औषत भोल्यूम ६ अर्ब रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ३७ प्रतिशत बढी हो।
बुलिश प्रवृत्ति
गत साता नेप्सेको एमएसिडी रेखा सिग्नल रेखाभन्दा माथि रहेको छ। त्यस्तै, नेप्सेको हिस्टोग्राम पनि सकारात्मक क्षेत्रमा रहेको छ। यसले गत साता बजार बुलिश प्रवृत्तिमा रहेको संकेत गर्दछ। यद्यपि, एमएसिडी रेखा र सिग्नल रेखा दुबै नकारात्मक क्षेत्रमा रहेका छन्।
खरिदबिक्री चाप सन्तुलनमा
गत साता नेप्सेको स्टकास्टिक आरएसआई न्यूट्रल जोनमा रहेको छ। यसले गत साता बजारमा शेयर खरिदबिक्री चाप सन्तुलनमा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
