अघिल्लो कारोबार दिन अर्थात आइतबार ३.५८ अंक बढेर २६६१.६० विन्दुमा बन्द भएको नेप्से, यस दिन सो सेसनमा ०.५९ अंक घटेर २६६१.०१ विन्दुमा झरेको छ। सो सेसनमा सेन्सेटिभ इण्डेक्स भने ०.३४ अंक बढेको छ।
सोमबार प्रि ओपन सेसनमा ४५ स्टकको ८२ पटकको कारोबारमा २ करोड ९ लाख ७१ हजार ४८९ रुपैयाँ ४० पैसाबराबरको ४३ हजार ८८६ कित्ता शेयर खरिदबिक्री भएको छ। जसमध्ये १९ स्टकको मूल्य बढेको छ भने २५ स्टकको मूल्य घटेको छ। बाँकी १ स्टकको मूल्य भने सो सेसनमा स्थिर रहेको छ।
