अघिल्लो कारोबार दिन अर्थात सोमबार १२७.३२ अंक बढेर २८२३.२५ विन्दुमा बन्द भएको नेप्से, यस दिन सो सेसनमा ११.१६ अंक बढेर २८३४.४२ विन्दुमा पुगेको छ। त्यस्तै, सो सेसनमा सेन्सेटिभ इण्डेक्स १.४० अंक बढेको छ।
मंगलबार प्रि ओपन सेसनमा ८० स्टकको २२८ पटकको कारोबारमा १ करोड ८ लाख ६८ हजार ८९१ रुपैयाँ ३० पैसाबराबरको २६ हजार २१८ कित्ता शेयर खरिदबिक्री भएको छ। जसमध्ये ५९ स्टकको मूल्य बढेको छ भने १३ स्टकको मूल्य घटेको छ। बाँकी ८ स्टकको मूल्य सो सेसनमा स्थिर रहेको छ।