चालु आर्थिक वर्षको पहिलो ९ महिनासम्ममा कम्पनीले २ करोड ८५ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा ४२.९४ प्रतिशत कम हो। गत आर्थिक वर्षको सोही अवधिसम्ममा कम्पनीको यस्तो नाफा ४ करोड ९९ लाख रुपैयाँ नाफा कमाएको थियो।
कम्पनीको गैर सञ्चालन आम्दानी घटेसँगै खुद नाफा घट्न पुगेको हो।
समीक्षा अवधिमा कम्पनीको विद्युत बिक्री आम्दानी ०.०९ प्रतिशत मात्र बढेको छ। तर कम्पनीको गैर सञ्चालन आम्दानी भने ९६.१७ प्रतिशत घटेको छ। जसका कारण कम्पनीको सञ्चालन मुनाफा र खुद नाफा दुबै घट्न पुगेको हो।
नाफासँगै कम्पनीको प्रतिशेयर आम्दानी पनि घटेको छ। समीक्षा अवधिमा कम्पनीको यस्तो आम्दानी १ रुपैयाँ ५४ पैसा घटेर २ रुपैयाँ ५ पैसामा झरेको छ। चैत मसान्तसम्ममा कम्पनीको प्रतिशेयर नेटवर्थ १६५ रुपैयाँ १५ पैसा रहेको छ भने मूल्य आम्दानी अनुपात १६३.९५ गुणा रहेको छ।
