सुनको मूल्यमा सामान्य वृद्धि, चाँदीको मूल्य घट्यो

Apr 27, 2025 10:42 AM Merolagani

बैशाख १४ गते, आईतबार, नेपाली बजारमा सुनको मूल्य सामान्य बढेको छ । यस दिन सुन प्रतितोला १०० रुपैयाँले बढेको हो ।

नेपाल सुनचाँदी व्यवसायी संघका अनुसार यस दिन छापावाल सुन प्रतितोला एक लाख ८९ हजार ७०० रुपैयाँमा कारोबार भइरहेको छ । गत शुक्रबारको बजारमा छापावाला सुन प्रतितोला एक लाख ८९ हजार ६०० रुपैयाँमा कारोबार भएको थियो।

यस दिन चाँदीको मूल्य भने तोलामा १० रुपैयाँले घटेको छ । आज चाँदी प्रतितोला एक हजार ९९० रुपैयाँ खरिदबिक्री भईरहेको छ । शुक्रबारको बजारमा चाँदी प्रतितोला दुई हजार रुपैयाँमा कारोबार भएको थियो ।