अघिल्लो कारोबार दिन अर्थात बुधबार ६४.२६ अंक बढेर २७६०.९१ विन्दुमा बन्द भएको नेप्से, यस दिन सो सेसनमा ११.३१ अंक बढेर २७७२.२३ विन्दुमा पुगेको छ। सो सेसनमा सेन्सेटिभ इण्डेक्स भने २.७३ अंक बढेको छ।
बिहीबार प्रि ओपन सेसनमा ११२ स्टकको ३७४ पटकको कारोबारमा ५ करोड ६१ लाख ७५ हजार ३८७ रुपैयाँबराबरको ९३ हजार २२६ कित्ता शेयर खरिदबिक्री भएको छ। जसमध्ये ६४ स्टकको मूल्य बढेको छ भने ३२ स्टकको मूल्य घटेको छ। बाँकी १६ स्टकको मूल्य सो सेसनमा स्थिर रहेको छ।
