चालु आर्थिक वर्षको तेस्रो त्रैमाससम्ममा कम्पनीले ३७ करोड ३५ लाख रुपैयाँ खुद नाफा आर्जन गरेको छ । यो गत आर्थिक वर्षको तुलनामा ४३.४३ प्रतिशतले बढी हो । गत आर्थिक वर्षको यसै अवधिमा कम्पनीले २६ करोड ४ लाख रुपैयाँ खुद नाफा आर्जन गरेको थियो ।
विद्युत् बिक्री आम्दानी बढेसँगै कम्पनीको नाफा बढेको हो । समीक्षा अवधिमा कम्पनीले विद्युत् बिक्रीबाट एक अर्ब २८ करोड ६४ लाख रुपैयाँ आम्दानी गरेको छ । यो आम्दानी ८.४० प्रतिशतले बढी हो । गत वर्षको यसै अवधिमा कम्पनीले विद्युत् बिक्रीबाट एक अर्ब १८ करोड ६८ लाख रुपैयाँ आम्दानी गरेको थियो । साथै कम्पनीको वित्तीय खर्च ४१ करोड ७४ लाख रुपैयाँ छ ।
चुक्ता पूँजी ३ अर्ब ४३ करोड ७५ लाख रुपैयाँ रहेको कम्पनीको जगेडा कोषमा ४१ करोड २७ लाख रुपैयाँ सञ्चित छ । कम्पनीले सार्वजनिक गरेको वित्तीय विवरण अनुसार कम्पनीको प्रतिशेयर आम्दानी १० रुपैयाँ ८७ पैसा छ भने प्रतिशयर नेटवर्थ ११२ रुपैयाँ ०१ पैसा छ । कम्पनीको मूल्य आम्दानी अनुपात ४४.१८ गुणा छ ।
