गत आर्थिक वर्षको अन्त्यसम्ममा कम्पनीले ९७ करोड ६२ लाख रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको तुलनामा २२.०८ प्रतिशत बढी हो। अघिल्लो आर्थिक वर्षको सोही अवधिसम्ममा कम्पनीले ७९ करोड ९६ लाख रुपैयाँ खुद नाफा कमाएको थियो।
आम्दानी बढेसँगै कम्पनीको नाफा बढ्न पुगेको हो।
समीक्षा अवधिमा कम्पनीको सञ्चालन आम्दानी २४९.३९ प्रतिशत र वित्तीय आम्दानी १८.७७ प्रतिशत बढेको छ। त्यसैगरी, कम्पनीको लाभांश आम्दानी ३१.३३ प्रतिशत र अन्य आम्दानी २४१.१२ प्रतिशत बढेको छ।
२० अर्ब ७१ करोड ५० लाख रुपैयाँ चुक्ता पूँजी रहेको यस कम्पनीको जगेडा कोष समीक्षा अवधिमा ५.०८ प्रतिशत घटेको छ।
नाफा बढेपनि कम्पनीको प्रतिशेयर आम्दानी भने घटेको छ। समीक्षा अवधिमा कम्पनीको यस्तो आम्दानी १३ पैसा घटेर ४ रुपैयाँ ७१ पैसामा झरेको छ। असार मसान्तसम्ममा कम्पनीको प्रतिशेयर नेटवर्थ १०८ रुपैयाँ ८ पैसा रहेको छ भने मूल्य आम्दानी अनुपात ४२.४४ गुणा रहेको छ।
