साताको पहिलो दिन अर्थात आइतबार प्रतितोला १ लाख ८९ हजार ७०० रुपैयाँ कायम भएको सुनको मूल्य शुक्रबारसम्म आईपुग्दा प्रतितोला १ लाख ८३ हजार ५०० रुपैयाँ कायम भएको छ।
अमेरिकी राष्ट्रपति ट्रम्पले व्यापार वार्तामा प्रगति भइरहेको बताएसँगै व्यापार सुधारको संकेत देखिएकोले सुनको मूल्य घटेको विश्लेषकहरुको भनाइ छ।
यस साता चाँदीको मूल्य पनि घटेको छ। आइतबार तोलाको १ हजार ९९० रुपैयाँमा कारोबार भएको चाँदी, शुक्रबार १ हजार ९३० रुपैयाँमा कारोबार भएको थियो। यस साता चाँदीको मूल्य तोलामा ६० रुपैयाँ घटेको हो।
